Testna zbirka naključnih, neurejenih fotografskih gradiv z mojega diska

In nomine sancte et indiuidue trinitatis. Alderprandus dei gratia Siticensis monasterii dictus abbas cunctis Christi fidelibus huius pagine lectoribus vel auditoribus tam futuris quam presentibus inotescere cupimus qualiter quidam homo nomine Michael natione latinus arte uero cementarius tempore antecesorum nostrorum de longinquis prouintiis adueniens iam diu arte sua nostra monasterio plurimum profuit unde ab eisdem in predio ecclesie nostre est substitutus data domo et terra. Qui uidelicet M(ichael) quandam feminam nomine Maͤthtilth propriam domni Alberti de Wiselberch ecclesie nostre aduocati accepit in uxorem eandemque cum facultatibus suis a predicto A(lberto) ad omnimodam libertatem redemit. Transactis autem aliquibus annis idem M(ichel) secundo cum facultatibus suis a prefato A(lberto) liberos suos quos ex eadem uxore deo donante genuerat ea conditione redemit ut idem A(lbertus) super altare sancte Marie propria manu eos tali libertate donaret quatenus unum quodque eorum abineunte seruien aetate censum trium nummorum annuatim ecclesie nostre in die purificationis sancte Marie persolueret. Sane predictum censvm con solutum (?) ipsi uerum contra omnis posteritas eorum ad testimonivm libertatis sue prefatus A(lbertus) ecclesię nostrę aduocatus eternaliter persoluendum statuit, ule forte aliqua specialis secularisue persona per potentiam eos ulla seruitute subiciat aut opprimat. Quod ut uerius credatur et a successoribus nostris inconuulsum seruetur, idem aduocutus noster A(lbertus) sigill nostri inpressione et testibus qui huic diffinitioni presentes aderant corroborari monuit, nosque id fieri cum certo consilio fratrum nostrorum uolenti animo annuimus. Testes ergo huius rei hi sunt: Maroldus tunc temporis armarius, Wirnt diaconus, Herbordus sacrista, seculares uero Meinhardus de Nideke, Rudergerus, Gerhardus, Ernist, Hiltiprandus omnes de Wiselberch, Wikerus de Laibach, Hartmannus de Rifenstaͤyn et alii quam plures nobiles et mediocres.